25-26 სექტემბერს, ქართული, გერმანული და საერთაშორისო სისხლის სამართლის ინსტიტუტის ორგანიზებით, მეცნიერებისა და ინოვაციების თბილისის საერთაშორისო ფესტივალ 2017-ის ფარგლებში, საქართველოს უნივერსიტეტში ჩატარდება ორდღიანი ვორკშოფი სამართლის მიმართულების სტუდენტებისთვის (ბაკალავრიატი, მაგისტრატურა, დოქტორანტურა) ევროპული სისხლის სამართლის საფუძვლებზე.

მის ფარგლებში განხილულ იქნება როგორც მატერიალური, ასევე პროცესუალურ -სამართლებრივი საკითხები, ევროკავშირის მართლმსაჯულების სასამართლოს აქტუალური პრეცედენტული გადაწყვეტილებები.

გარდა ამისა, საუბარი იქნება ქართული სისხლის სამართლისთვის მნიშვნელოვან ასპექტებზე. ლექციებს წაიყვანს პროფესორი ბაჩანა ჯიშკარიანი. მთლიანობაში ვორკშოფი მოიცავს ოთხ აკადემიურ საათს და ის ჩატარდება ლექციების ფორმატით შემდეგი განრიგით - 25 და 26 სექტემბერი.

ადგილი: საქართველოს უნივერსიტეტი, IV კორპუსი, აუდიტორია #422
დრო: 11:00 სთ - 14:00 სთ